Sonx
من سردة تك
خلّي Sonx يتصل فيك
كل مكالمة بتنرد، حتى لو ما في حدا بالمحل.
Sonx موظف استقبال ذكي من سردة تك. بيرد على مكالمات زباينك بصوت طبيعي وبلهجتهم، بيحجز، بياخد الطلب، وبيكتبلك شو صار. ليل نهار.
٢:١٤ الفجرالمحل مسكّر، والكل نايم.
والتلفون عم يرن.
رنّة. رنّة تانية. رنّة تالتة.
بالعادة، هون بيروح الزبون لغيرك.
بس الليلة، في حدا بيرد.
مكالمة واردة
رقم غير محفوظ
ألو؟ مرحبا… في حدا؟
أهلين وسهلين، معك Sonx من عيادة دكتورة شروق. كيف فيني ساعدك؟
بدي احجز موعد بكرا الصبح، إذا في.
أكيد. عندها الساعة عشرة، أو حداعش ونص. شو بيناسبك؟
عشرة.
تمام، ثبّتلك الموعد بكرا الساعة عشرة. شو الاسم الكريم؟
فاطمة الحسن.
تشرفنا يا فاطمة. منستناكي بكرا، تصبحي على خير.
شامي، خليجي، مصري، ولما يخلط الزبون عربي وإنجليزي كمان. وبيرد بشامي طبيعي، والأرقام بيقولها متل ما منقولها: تلاتة، تمانية، حداعش.
وإذا بدك، بيحكي بصوت مأخوذ من صوتك إنت. زبونك بيسمع نفس الصوت كل مرة بيتصل.
وإذا سأله حدا بجد «إنت إنسان؟»، بيقلّه بصراحة إنه مساعد ذكي، وبيكمّل يخدمه.
٢:١٧ الفجر
Sonx بيكتب كل كلمة انحكت، وبيطلع منها الشي اللي بيهمك: مين اتصل، شو بدو، وشو انعمل.
انحجز الموعد
بنفس الليلة، محلات كتير تلفوناتها رنّت. كل وحدة انردّت.
«عندكم مكان لستة بكرا العشا؟»
«إي أكيد، الساعة تمانية بيناسبكم؟»
انحجزت طاولة
«الشقة بالمالكي لسا متاحة؟»
«متاحة. بتحب تشوفها بكرا العصر؟»
موعد معاينة
«في عندكم هالدوا؟»
«إي متوفر، منحطلك ياه على اسمك.»
طلب محجوز
«وين صارت شحنتي؟»
«طلعت من دمشق، بتوصل بكرا الضهر.»
انردّ السؤال
«شو بدها فيزا دبي؟»
«جواز ساري ست شهور وصورة. نبلّش بالطلب؟»
طلب جديد
«إيمتى بيبلّش كورس الإنجليزي؟»
«أول الشهر، والمقاعد محدودة. بسجّلك؟»
تسجيل مبدئي
«بدي موقع لمطعمي.»
«أكيد! إيمتى بتحب تحكي مع الفريق؟»
اجتماع محجوز
٨:٠٠ الصبح
كل المكالمات بمكان واحد: مين اتصل، شو انحكى، وشو بدها متابعة منك. وإذا بدك، بتتدخّل بأي مكالمة وهي شغّالة.
٨مكالمات انردّت
٧حجوزات وطلبات
١بدها اتصال منك
١٠:٠٠ الصبح
ارفع قائمة أرقام، اختار شو بدك يحكي، وSonx بيتصل بكل واحد: تذكير بموعد، تأكيد طلب، أو متابعة زبون. وإنت بتشوف نتيجة كل مكالمة.
ما بدها خبرة تقنية. نحنا منجهّز كل شي، وإنت بتجرّب وبتقرّر.
ما بيخترع جواب. بياخد اسم المتصل ورقمه وطلبه، وبيبلّغ فريقك ليرجعوا يتصلوا فيه.
أكيد. بأي لحظة واحد من فريقك بيكمّل المكالمة، أو بتسكّرها من اللوحة بكبسة زر.
لا، منربط Sonx على رقمك الحالي، أو منجهّزلك رقم جديد إذا بدك.
Sonx بيحكي طبيعي، وإذا سأله الزبون بجد، بيقلّه بصراحة إنه مساعد ذكي.
إي، كل مكالمة بتنحفظ مكتوبة مع ملخصها، والتسجيل الصوتي إذا فعّلته.
بيانات مكالماتك محفوظة على سيرفر خاص فيك، وما حدا بيشوفها غيرك وغير فريقك. التسجيلات بتنمحى تلقائياً بعد مدة إنت بتحددها.
عادةً خلال أسبوع من أول اتصال، حسب كمية المعلومات وطريقة ربط الرقم.
كل شغل إلو احتياجاته وعدد مكالماته. اترك رقمك ومنجهّزلك عرض يناسبك.
اترك اسمك ورقمك، وSonx نفسه بيتصل فيك. اسمعه بأذنك قبل ما تقرّر.
التجربة مجانية للأرقام السورية، كل يوم من ٩ الصبح لـ ١٠ بالليل، ومدتها نحو دقيقتين ونص. منتصل بالرقم مرة وحدة باليوم.